Երևանի առաջին ատյանի քրեական դատարանը բավարարել է «Բարգավաճ Հայաստան» կուսակցության առաջնորդ Գագիկ Ծառուկյանին կալանավորելու վերաբերյալ ՀՀ քննչական կոմիտեի միջնորդությունը։ Դատարանի որոշմամբ, Գագիկ Ծառուկյանը կալանավորվել է 2 ամսով։
Հիշեցնենք, որ հուլիսի 6-ին «Բարգավաճ Հայաստան» կուսակցության առաջնորդ և գործարար Գագիկ Ծառուկյանին ձերբակալել և տեղափոխել էին ՀՀ քննչական կոմիտե։ Նրան առաջադրվել է երկու մեղադրանք։
Առաջին մեղադրանքը վերաբերում է խարդախություն կազմակերպելուն և առանձնապես խոշոր չափերով դրամական միջոցներն օրինականացնելուն (լվանալուն)։ Ըստ քննչական վարկածի, 2022-2024 թվականներին Գագիկ Ծառուկյանի ղեկավարությամբ գործող խումբը Հայաստանի և Իրանի միջև առևտրատնտեսական կապերի զարգացման պատրվակով Իրանի քաղաքացիների մասնակցությամբ ստեղծել է համատեղ իրավաբանական անձեր։ Այս կառույցների միջոցով իրականացվել է խարդախ սխեմա, որի հետևանքով պետությանը պատճառվել է ավելի քան 21 մլն դոլարի վնաս։
Բացի այդ, Գագիկ Ծառուկյանին մեղադրվում է նաև ապօրինի որսի համար։
